Raza Musani 
غزہ : اسرائیل نے غزہ کو بجلی کی فراہمی مکمل طور پر بند کردی۔ حماس نے اسرائیلی اقدام کو گھٹیا بلیک میلنگ قرار دیا ہے۔اسرائیلی وزیر توانائی ایلی کوہن کے حکم پر اتوار کی شام سے بجلی کی سپلائی مکمل بند کردی گئی۔ جس سے پانی صاف کرنے والے پلانٹس بھی کام نہیں کر سکیں گے اور لاکھوں فلسطینیوں کو پینے کے پانی کی شدید قلت کا سامنا کرنا پڑے گا۔
حماس کے رہنما عزت الرشق نے غزہ کی بجلی بند کرنے کے فیصلے کو ناقابل قبول دباؤ قرار دیا ہے۔ انہوں نے کہاکہ غزہ کو پہلے ہی خوراک، ادویات اور پانی سے محروم کر دیا گیا ہے۔ انہوں نے کہا کہ اسرائیلی حکومت نے یہ اقدام فلسطینی مزاحمت کاروں پر دباؤ ڈالنے اور یرغمالیوں کی رہائی کے لیے کیا ہے۔
