Raza Musani 
تہران : ایرانی وزیر خارجہ حسین امیر عبداللہیان نے کہا ہے کہ اگر امریکا مدد اور حمایت نہیں کرتا تو اسرائیل جنگ جاری نہیں رکھ سکتا تھا۔ الجزیرہ ٹیلی ویژن نیٹ ورک کو انٹرویو میں امیر عبداللہیان نے کہا کہ ایران کو امریکا کی طرف سے پیغامات موصول ہوئے ہیں کہ واشنگٹن جنگ کا دائرہ وسیع کرنے کا خواہاں نہیں ہے۔ امریکیوں کو ہمارا جواب تھا کہ اسرائیل کی حمایت کرکے اور اسے ہتھیار فراہم کرکے وہ جنگ کا دائرہ وسیع کررہے ہیں۔ ایرانی وزیرخارجہ نے کہا کہ ایران کو امید ہے کہ غزہ میں جنگ بندی اسرائیل کے جرائم کے خاتمے کا آغاز ہو گی۔ ایرانی وزیر خارجہ نے کہا کہ امریکا سمجھتا ہے کہ وہ یہ فیصلہ کر سکتا ہے کہ فلسطینیوں کی وطن واپسی کے بغیر غزہ میں اقتدار کون سنبھالے گا وہ غلط ہے کیونکہ غزہ کے مستقبل کا تعین صرف فلسطینی عوام کرسکتے ہیں۔
