Raza Musani 
تل ابیب: اسرائیلی فوج نے آج ڈیڈ لائن ختم ہونے کے باوجود جنوبی لبنان میں فوجی موجودگی برقرار رکھنے کا اعلان کردیا۔ اسرائیلی فوج نے اعلان کیا کہ افواج لبنانی علاقے کے اندر پانچ اسٹریٹجک پوائنٹس پر تعینات رہیں گی۔ فوجی ترجمان لیفٹیننٹ کرنل نداو شوشانی نے کہا ہے کہ موجودہ صورتحال کی بنیاد پر ہم لبنان میں سرحد کے ساتھ ساتھ پانچ مقامات پر تعینات فوجیوں کی تھوڑی مقدار برقرار رکھیں گے۔ تاکہ ہم اپنے باشندوں کا دفاع جاری رکھیں اور اس بات کو یقینی بنائیں کہ فوری طور پر کوئی خطرہ نہیں ہے۔
لبنان کے صدر جوف عون نے کہاہے کہ جنگ بندی کا احترام کیا جانا چاہیے ۔ میں یہ قبول نہیں کروں گا کہ کوئی ایک اسرائیلی بھی لبنان کی سرزمین پر باقی رہے۔
