آئی ایس او کا پاراچنار میں شیعہ نسل کشی کیخلاف جمعہ کو یوم احتجاج منانے کا اعلان

لاہور: امامیہ اسٹوڈنٹس آرگنائزیشن نے پاراچنار میں شیعہ نسل کشی کیخلاف جمعہ کو پاکستان بھر میں یوم احتجاج منانے کا اعلان کردیا۔ آئی ایس او کے مرکزی صدر حسن عارف نے اپنے بیان میں کہا کہ پاراچنار میں شیعہ شناخت پر قتل کیا جاتا ہے۔ مذموم سازش کے تحت شیعہ نسل کشی کی جارہی ہے۔ گزشتہ دنوں ڈاکٹر رقیہ نجف کو پاراچنار سے پشاور آتے ہوئے شہید کیا گیا۔ پاراچنار میں علاقائی امن اور مومنین کے مکمل تحفظ کی یقین دہانی تک احتجاجی تحریک جاری رکھیں گے۔ انہوں نے کہاکہ اہم شہروں میں جمعہ کے اجتماعات کے بعد احتجاج کیا جائے گا۔ آئی ایس او پاکستان کے مرکزی رہنما تمام ڈویژنز میں احتجاجی مظاہروں سے خطاب کریں گے۔