Ilyas ایرانی سرحدوں کے ساتھ مختلف علاقوں میں فوجی آپریشن ، کارروائیوں میں فوج، صوبہ صلاح الدین اور سامرا کی آپریشنل کمانڈ اور حشدالشعبی کے جوان شامل
ابطال العراق آپریشن کے چوتھے مرحلے کا مقصد داعش کی باقیات کا صفایا کرنا ہے ،کارروائیاں وزیر اعظم مصطفی الکاظمی کے حکم سے شروع ہوئیں،فوجی ترجمان
بغداد(نیوز ڈیسک) عراقی فوج نے ایرانی سرحدوں کے ساتھ مختلف علاقوں سے داعش کا صفایا کرنے کیلئے نئی فوجی کارروائیاں شروع کردیں،فوجی آپریشن میں فوج، صوبہ صلاح الدین اور سامرا کی آپریشنل کمانڈ اور حشدالشعبی کے جوان شامل ہیں جبکہ عراقی فضائیہ بھی انکی مدد کر رہی ہے، صوبہ دیالہ میں 70 سے زائد گاوں اور دیہی علاقوں کو دہشت گرد گروہ داعش کے وجود سے پاک کر دیا ، عراق کی مشترکہ آپریشنل کمانڈ کے ڈپٹی کمانڈر جنرل عبدالامیر کامل نے کہا ہے کہ ابطال العراق فوجی آپریشن کا چوتھا مرحلے کا مقصد دہشت گردوں کی باقیات کا صفایا کرنا ، صوبہ دیالہ میں امن و استحکام قائم کرنا اور ایران سے ملحقہ عراق کے سرحدی علاقوں میں ممکنہ طور پر چھپے ہوئے داعشی دہشت گردوں کا پتہ لگا کر ان کاصفایا کرنا ہے ، یہ فوجی کارروائیاں وزیر اعظم اور عراقی مسلح افواج کے سربراہ مصطفی الکاظمی کے حکم سے شروع ہوئی
