عراق میں پارلیمنٹ تحلیل، عوام اتوار کو ووٹ ڈالیں گے

بغداد: عراق میں 10 اکتوبر کو پارلیمانی انتخابات کی تیاریاں مکمل کرلی گئیں، پولنگ سے تین دن پہلے اسپیکر محمد الحلبوسی نے باضابطہ طور پر چوتھی پارلیمنٹ تحلیل کردی، پارلیمنٹ کی 329 نشستوں کے لئے عوام اتوار کو حق رائے دہی استعمال کریں گے، یہ انتخابات نئے انتخابی قوانین کے تحت ہورہے ہیں جس کے تحت عراق کو 18 کے بجائے 83 حلقوں میں تقسیم کردیا گیا ہے، انتخابات میں حصہ لینے کے لئے 21 سیاسی اتحادوں اور جماعتوں نے 3ہزار249 امیدوار میدان میں اتارے ہیں، ان میں 951 خواتین شامل بھی ہیں، ماہرین کا کہنا ہے کہ اس بار بھی کسی جماعت یا اتحاد کو اکثریت ملنے کا امکان نہیں ہے اورمعلق پارلیمنٹ قائم ہوگی، اس وجہ نئی حلقہ بندیوں کو قرار دیا جارہا ہے، نیا واحد رکن انتخابی نظام روایتی سیاسی بلاک کو کمزور اور آزاد امیدواروں کو تقویت دے گا۔