Raza Musani 
بغداد: عراق کی مزاحمتی تنظیم نے اسرائیل میں حیفہ بندرگاہ کو ایک بار پھر نشانہ بنادیا۔ بندرگاہ پر واقع آئل ٹرمینل پر دو ڈرونز سے حملہ کیا گیا۔ یہ باہتر گھنٹوں میں دوسرا بڑا حملہ ہے اس سے پہلے عسقلان کے علاقے بیئرالسبع میں حاتسریم ایئر بیس اور آئل پورٹ سمیت تین اہداف پرحملے کئے گئے تھے۔ صیہونی میڈيا نے دعویٰ کیا تھا کہ اس کے بحری دفاعی سسٹم نے کہ جو ایلات بندرگاہ میں نصب ہے کسی بھی طرح کے مشکوک فضائی ہدف کا پتہ لگانے کے لئے ایکٹیو ہوگيا ہے۔ مزاحمتی تنظیم کا کہنا ہے کہ یہ حملے اسرائیل کی طرف سے فلسطینی شہریوں بشمول خواتین، بچوں اور بوڑھوں کے خلاف کیے جانے والے قتل عام کے جواب میں کئےگئے۔ جب تک صیہونی حکومت غزہ میں خونریزی جاری رکھے گی وہ اپنی کارروائیاں جاری رکھے گے۔
