Raza Musani 
واشنگٹن : امریکی انٹیلیجنس نے ٹرمپ انتظامیہ کے ایران کے جوہری پروگرام کو تباہ کرنے کے دعوے کو مسترد کرتے ہوئے کہا ہے کہ ایران کے جوہری پروگرام کو فیصلہ کن نقصان نہیں پہنچا۔ رائٹرز کی رپورٹ کے مطابق امریکی انٹیلیجنس اداروں کا کہنا ہے کہ جون 2025 سے قبل ایران چند ماہ میں ہتھیار کے لیے کافی افزودہ یورینیم حاصل کر سکتا تھا۔ رپورٹ کے مطابق ایران کے جوہری پروگرام کو امریکا اور اسرائیل کی جنگ سے صرف معمولی نقصان پہنچا ہے اور جوہری ہتھیار بنانے کی ممکنہ مدت میں کوئی بڑا فرق نہیں آیا۔ ابتدائی اندازوں میں کہا گیا تھا کہ ایران کے پروگرام میں ایک سال تک کی تاخیر ہو سکتی ہے تاہم تازہ تجزیے میں کہا گیا ہے کہ یہ وقت دوبارہ کم ہو کر پرانی سطح کے قریب آ گیا ہے۔ تجزیہ کاروں کا کہنا ہے کہ ایران کے جوہری پروگرام پر فیصلہ کن اثر ڈالنے کے لیے ممکنہ طور پر سیاسی اور سفارتی اقدامات بھی ضروری ہوں گے۔
