مذاکرات کے نتائج سے اپنے ملک کے مستقبل کو مشروط نہیں کرتے، ایرانی صدر

تہران : ایرانی صدر مسعود پزشکیان نے کہا ہے کہ ان کا ملک ان مذاکرات کے نتائج سے اپنے مستقبل کو مشروط نہیں کرتا۔ تہران امریکا سے کسی کمزوری کی پوزیشن سے مذاکرات نہیں کر رہا۔ تہران ٹائمز کو دیے گئے انٹرویو میں پزشکیان نے کہا کہ اگر مذاکرات بند گلی میں داخل ہو بھی جائیں، تب بھی ملک بند گلی میں نہیں جائے گا۔ انہوں نے مزید کہا کہ ماضی میں بعض لوگ کہتے تھے کہ اگر معاہدہ نہ ہوا تو مسائل پیدا ہوں گے، مگر ہم نے کبھی بھی اپنے ملک کو، خود کو یا اپنے خطے کے مستقبل کو ان مذاکرات سے مشروط نہیں کیا۔ ہم اپنے کام جاری رکھے ہوئے ہیں۔