Raza Musani 
بغداد : ایران کے وزیر خارجہ حسین امیر عبداللہیان نے عراقی وزیر اعظم محمد شیعہ السوڈانی سے ملاقات کی اور دو طرفہ تعلقات اور مقبوضہ فلسطینی علاقوں کی موجودہ پیش رفت پر تبادلہ خیال کیا۔ ایرانی وزیر خارجہ نے غزہ میں فلسطینیوں کے خلاف اسرائیلی جنگی جرائم کے خاتمے کا مطالبہ کیا۔ انہوں نے کہا کہ فلسطینی آپریشن وزیر اعظم نیتن یاہو کی حکومت کے اقدامات کا ردعمل ہے۔ عراقی وزیراعظم نے کہا ہے کہ مقبوضہ فلسطین کی غاصب صیہونی حکومت غزہ کے عوام کے خلاف ہر طرح کا اسلحہ استعمال کر رہی ہے۔ اسرائيل نہ صرف فلسطینی عوام کے خلاف ہر قسم کے ہتھیار استعمال کررہا ہے بلکہ اس نے غزہ کے عوام کی بجلی، پانی اور غذائی اشیا بھی روک دی ہیں اور عالمی برادری کو چاہئے کہ انسانیت کا مظاہرہ کرتے ہوئے مداخلت کرے۔ محمد شیاع السودانی نے کہا کہ اگر حالات پر قابو نہیں پایا گيا تو عرب ملکوں کے عوام کے دباؤ کی بنا پر عرب حکومتین اپنا اقدام عمل میں لانے پر مجبور ہو سکتی ہیں۔
