ایرانی وزیر خارجہ عباس عراقچی اور ایس جے شنکر میں رابطہ

نئی دہلی: انڈین وزیر خارجہ ایس جے شنکر اور ایرانی ہم منصب عباس عراقچی نے ٹیلی فونک رابطے میں خطے کی بدلتی ہوئی صورتحال اور مختلف اہم امور پر تفصیلی تبادلۂ خیال کیا گیا۔ میڈیا رپورٹس کے مطابق ٹیلیفونک گفتگو ایسے وقت میں ہوئی جب مشرقِ وسطیٰ میں جاری کشیدگی اور جنگ بندی کی پیش رفت زیر بحث ہے۔ ایس جے شنکر نے گفتگو کی تفصیلات سوشل میڈیا پلیٹ فارم ایکس پر شیئر کرتے ہوئے بتایا کہ ایرانی وزیر خارجہ سے موجودہ حالات کے مختلف پہلوؤں پر سنجیدہ گفتگو ہوئی اور باہمی رابطہ جاری رکھنے پر اتفاق پایا گیا۔ ۔دونوں رہنماؤں نے اس بات پر اتفاق کیا کہ آئندہ بھی رابطے میں رہتے ہوئے حالات پر نظر رکھی جائے گی۔