Raza Musani 
اسلام آباد: پاکستان میں ایران کے سفیر نے پاکستان کے انتخابات سے متعلق امریکی کانگریس کی قرارداد کی مذمت کی ہے۔ اپنے بیان میں ایرانی سفیر رضا امیری مقدم کا کہنا تھا کہ پاکستانی انتخابات پر متنازعہ امریکی قرارداد کی مذمت کرتے ہیں۔ انہوں نے کہا کہ پاکستان کے انتخابات سے متعلق قرارداد اقوام متحدہ کے آزاد رکن کے ملکی معاملات میں کھلی مداخلت ہے۔ یہ جمہوریت کی حمایت کی آڑ میں ایک طرح سے بھتہ خوری ہے۔ ایرانی سفیر کا کہنا تھا کہ ایک ملک جنگ بندی کی قرارداد کو ویٹو کے ذریعے روکتا ہے، امریکا صیہونی حکومت کو مہلک ہتھیار فراہم کر کے غزہ کے عوام کی نسل کشی کی حمایت کرتا ہے۔
