جوہری معاہدہ نہ کیا تو ایران پر بمباری ہوگی، ٹرمپ کی بھڑکیں

واشنگٹن : امریکا کے جنگی جنونی صدر ڈونلڈ ٹرمپ نے جوہری معاہدہ نہ کرنے پر ایران پر بمباری کی دھمکی دیدی۔ این بی سی نیوز کو انٹرویو میں ٹرمپ نےکہا کہ ایران نے نیوکلیئر پروگرام پر بات چیت سے انکار کو جاری رکھا تو اس کے بہت برے نتائج ہوں گے۔ ایران معاہدہ نہیں کرتا ہے تو ایسی بمباری ہوگی جو انہوں نے پہلے کبھی نہیں دیکھی ہوگی۔ ٹرمپ کا مزید کہنا تھا کہ ایران معاہدہ نہیں کرتا تو ایران پر پہلے کی طرح سیکنڈری ٹیرف عائد کروں گا۔ جیسا کہ میں نے چار سال پہلے کیا تھا۔