Raza Musani 
ایران نے انقلاب کی سالگرہ کی تقریبات کے آغاز پر تین نئے سیٹلائٹس اور ایک بیلسٹک میزائل کی رونمائی کردی۔ ایران کا نیا جدید میزائل اعتماد سترہ سو کلومیٹر یعنی اسرائیل تک مار کرسکتا ہے۔ میزائل گائیڈڈ وار ہیڈ لے جانے کی صلاحیت رکھتا ہے۔ قومی خلائی ٹیکنالوجی کے دن کے موقع پر تقریب سے خطاب میں صدر مسعود پیزشکیان نے کہا کہ ایران کی دفاعی صلاحیتیں اور خلائی ٹیکنالوجی دفاع اور دیگر ممالک کو ایران کے خلاف حملے کے بارے میں سوچنے سے روکنے کے لیے ہیں۔ پیزشکیان نے کہا کہ دشمنوں کی جانب سے ایران کو اپنے پیروں پر کھڑا ہونے سے روکنے کی کوششوں کے باوجود ایران فوجی سازوسامان تیار کرتا ہے اور برآمد بھی کرتا ہے اور سائنسی ترقی کرتا ہے۔
