Raza Musani 
تہران : ایران نے امریکا کا جدید ترین ایف تھرٹی فائیو طیارہ مار گرایا ہے۔ جبکہ اسرائیل میں حیفا ریفائنری اور خلیجی ممالک میں امریکی اہداف پر میزائل اور ڈرون حملے کئے ہیں۔ ایرانی پاسداران انقلاب نے ایف تھرٹی فائیو کو میزائل سے نشانہ بنایا جس کی ویڈیو بھی جاری کردی ہے۔ امریکا نے طیارے کو نقصان پہنچنے کی تصدیق کرتے ہوئے کہا ہے کہ اسے مشرق وسطیٰ میں ایک امریکی اڈے پر اتار لیا گیا۔
ادھر ایران نے رات گئے اسرائیل پر شدید ترین حملے کئے ہیں۔ میزائل لگنے سے حیفا میں ریفائنری کو آگ لگ گئی جس سے مختلف علاقوں کی بجلی منقطع ہوگئی۔ حیفا اور اشدود سمیت دیگر شہروں پر حملوں میں بڑے پیمانے پر تباہی ہوئی۔ ادھر کویت میں مناالاحمدی آئل ریفائنری پر متعدد ڈرون حملے ہوئے جس کے باعث ریفائنری کے بعض حصوں میں آگ لگ گئی۔ اور انہیں بند کردیا گیا۔ ایران نے متحدہ عرب امارات، سعودی عرب اور بحرین میں بھی امریکی اہداف پر میزائل اور ڈرون حملے کئے۔
