دباؤ اور دھمکی کے تحت کسی سے مذاکرات نہیں کریںگے، ایران

تہران: ایرانی وزیر خارجہ عباس عراقچی نے کہا ہے کہ ایران دباؤ اور دھمکی کے تحت کسی سے مذاکرات نہیں کرے گا۔ سید عباس عراقچی نے امریکہ کے ساتھ مذاکرات کے حوالے سے ایران کے واضح مؤقف پر زور دیتے ہوئے کہا کہ ہماری خارجہ پالیسی بالکل واضح ہے دباؤ میں مذاکرات نہ کرنا ایک بنیادی اصول ہے۔ جس پر ہر خودمختار ملک کاربند ہوتا ہے۔ انہوں نے ایران کیخلاف ٹرمپ کے حالیہ ایگزیکیٹو آرڈر کا حوالہ دیتے ہوئے کہا کہ اس حکمنامے میں ایران پر زیادہ سے زیادہ دباؤ ڈالنے کے لیے مختلف امریکی وزارتوں کو دیے گئے احکامات بالکل عیاں ہیں۔ انہوں نے کہا کہ زیادہ سے زیادہ دباؤ کی پالیسی ایران کے خلاف کبھی کارگر نہیں رہی، اور ہم کبھی بھی دھمکیوں کے آگے سر نہیں جھکائیں گے۔