ایران ٹھوس ایندھن والے راکٹ کی آزمائشی لانچ کے لیے تیار

تہران : ایران نے ٹھوس ایندھن والے راکٹ کی آزمائشی لانچ کے عزم کا اظہار کیا ہے۔ سیٹلائٹ سے حاصل کردہ تصاویر سے ظاہر ہے کہ صوبہ سمنان میں واقع امام خمینی اسپیس پورٹ میں تیاریاں جاری ہیں۔ ایرانی وزارت دفاع کے ترجمان احمد حسینی نے کہا کہ لانچ کے دوران ذوالجناح راکٹ کے تین مختلف مراحل کو ٹیسٹ کیا جائے گا۔ ایران کا کہنا ہے کہ یہ راکٹ صرف سیٹلائٹ کے لیے تیار کیا گیا ہے تاہم ناقدین کے خیال میں یہ بیلسٹک میزائل کیلئے بھی استعمال کیا جا سکتا ہے۔امریکانے الزام عائد کیا ہے کہ ایران کے سیٹلائٹ سے متعلق تجربات اقوام متحدہ کی سیکیورٹی کونسل کی قراردادوں کی نفی کرتے ہیں۔