ایران اور پاکستان میں نئے اسٹریٹجک تعلق کی ضرورت پر زور

اسلام آباد : ایرانی سیکیورٹی کونسل کے سیکرٹری علی لاریجانی نے تہران اور اسلام آباد کے درمیان ایک نئے اسٹریٹجک تعلق کی ضرورت پر زور دیا ہے۔
اسلام آباد میں پریس کانفرنس کے دوران لاریجانی نے کہا کہ ایران نے چین اور روس کے ساتھ اسٹریٹجک شراکت داری کے کامیاب ماڈلز قائم کیے ہیں، جنہیں پاکستان کے ساتھ بھی دوہرایا جا سکتا ہے۔ دونوں ممالک موثر میکنزم استعمال کر کے سرحدی اور داخلی خطرات کا مقابلہ کر سکتے ہیں۔
انہوں نے ایرانی صدر مسعود پزیشکیان کے حالیہ دورے کو اقتصادی تعلقات کو بہتر بنانے والا قرار دیا۔ گیس پائپ لائن کے حوالے سے لاریجانی نے کہا کہ ایران نے اپنی تمام بنیادی ڈھانچے کی ذمہ داریاں پوری کر دی ہیں، اور تاخیر کی وجہ بیرونی عوامل اور ممکنہ تخریب کاری ہے۔ سیکیورٹی تعاون پر بات کرتے ہوئے انہوں نے کہا کہ دونوں ممالک موثر میکانزم استعمال کر کے سرحدی اور داخلی خطرات کا مقابلہ کر سکتے ہیں، اور مجموعی طور پر ایران-پاکستان سیکیورٹی تعلقات بہت اچھے ہیں۔
علی لاریجانی نے دورہ پاکستان میں فلیڈ مارشل عاصم منیر۔ صدر آصف زرداری اور نائب وزیراعظم اسحاق ڈار سے ملاقاتیں کی اور دوطرفہ تعلقات کے فروغ پر تبادلہ خیال کیا۔