Raza Musani 
تہران: ایرانی وزیر خارجہ سید عباس عراقچی نے اپنے برطانوی اور پولش ہم منصبوں کے ساتھ ٹیلیفونک گفتگو میں یورپ کے ساتھ ایٹمی مذاکرات کے لیے تہران کے مستقل عزم کا اعادہ کیا۔ برطانوی وزیرخارجہ ڈیوڈ لیمی سے گفتگو میں عباس عراقچی نے کہا کہ ایران اپنے بنیادی اصولوں کی اساس پر ملی مفادات کے تحت ہمیشہ گفتگو اور مذاکرات کے لئے تیار ہے۔ سید عباس عراقچی نے کہا کہ اسلامی جمہوریہ ایران ہمیشہ علاقے میں امن و استحکام کا حامی رہا ہے اور اس سلسلے میں وہ کسی بھی کوشش سے دریغ نہیں کرے گا۔
پولینڈ کے ہم منصب رادوساؤ سیکورسکی سے گفتگو میں ایرانی وزیرخارجہ نے کہاکہ ایران ہمیشہ یورپی ممالک کے ساتھ بات چیت اور اس کی بنیاد پر مسائل کے حل کے لیے پرعزم رہا ہے۔ ٹیلی فونک رابطے میں دو طرفہ موضوعات، ایٹمی مذاکرات اور علاقائي تغیرات پر تبادلہ خیال کیا۔
ادھر دفتر خارجہ کے ترجمان اسمعٰیل بقائی نے کہا ہے کہ اگر مغربی ممالک سنجیدگی ظاہر کرتے ہیں تو تہران اپنے جوہری پروگرام پر بات کرنے کے لیے تیار ہے۔
