Raza Musani 
تہران : ایران کے جنوبی صوبے ہرمزگان کی شہید رجائی بندرگاہ پر دھماکے اور آگ لگنے سے 700 سے زائد افراد زخمی ہوئے جن میں ایک تہائی زخمیوں کو طبی امداد دے کر رخصت کردیا گیا۔ شدید آگ پر قابو پانے کے بعد امدادی کارروائیاں مکمل ہوگئی ہیں۔ ہفتے کی دوپہر شہید رجائی بندرگاہ میں ٹینکر پھٹنے سے زور دار دھماکہ ہوا، جس کے بعد شدید آگ بھڑک اٹھی تھی۔
افسوسناک واقعہ کیخلاف ملک میں تین روزہ سوگ کا اعلان کیا گیا ہے۔
ایرانی وزیر داخلہ اسکندر مؤمنی نے کہاکہ ماہرین کی ٹیمیں تحقیقات میں مصروف ہیں اور حادثے کے ذمہ داران یا کوتاہی برتنے والوں کے خلاف قانونی کارروائی میں کوئی رعایت نہیں برتی جائے گی۔انہوں نے مزید کہا کہ مشکل موسمی حالات، تیز ہواؤں اور ان کے رخ کی تبدیلی کے باوجود، فائر بریگیڈ اور امدادی کارکنوں نے اپنی مہارت اور تجربے کے ساتھ آگ پر قابو پانے کی کوششیں جاری رکھیں۔
