Raza Musani 
دی ہیگ: بین الاقوامی فوجداری عدالت نے غزہ میں صحافیوں کیخلاف اسرائیل کے جنگی جرائم کی تحقیقات شروع کردی۔ میڈیا ورکرز کے حقوق کے لیے سرگرم رپورٹرز ود آؤٹ بارڈرز نے نومبر میں اسرائیلی حملوں میں صحافیوں کی ہلاکتوں کے خلاف بین الاقوامی فوجداری عدالت میں درخواست دائر کی تھی۔ درخواست میں موقف اختیار کیا گیا تھا کہ صحافیوں کے خلاف جاری جنگی جرائم کو چھپانے کی کوشش کی جارہی ہے۔ بین لاقوامی عدالت کے پراسیکیوٹر نے تنظم کو یقین دہانی کرائی ہے کہ درخواست کے تحت تحقیقات کی جاری ہیں۔
ادھر کمیٹی ٹو پروٹیکٹ جرنلسٹس کے مطابق اب تک اسرائیلی بمباری اور گولہ باری سے 79 صحافی مارے جاچکے ہیں۔ ادھر مالدیپ، نمیبیا اور پاکستان نے اسرائیل کے خلاف جنوبی افریقا کے مقدمے کی حمایت کا اعلان کردیا۔
