غزہ میں بین الاقوامی قانون کو پامال کیا جا رہا ہے، انتونیو گوتریس

نیویارک : اقوام متحدہ کے سربراہ انتونیو گوتریس نے غزہ میں تیزی سے بگڑتی ہوئی انسانی صورتحال سے خبردار کرتے ہوئے اسے بڑے پیمانے پر تباہی اور فاقہ کشی کا ایک ہولناک شو قرار دیا ہے۔ انتونیو گوتریس نے کہا کہ ہم نے حالیہ دنوں میں غزہ میں موت اور تباہی کی سطح کا خوفناک مظاہرہ نہیں دیکھا۔ غذائی قلت بڑھتی جا رہی ہے۔ بھوک ہر دروازے پر دستک دے رہی ہے۔ اور ہم انسانی بنیادوں پر بنائے گئے انسانی ہمدردی کے نظام کو ہانپتے ہوئے دیکھ رہے ہیں۔
گوتریس نے کہا کہ غزہ کی صورتحال بین الاقوامی ذمہ داریوں کو نبھانے میں وسیع تر ناکامی کی عکاسی کرتی ہے ۔ غزہ میں بین الاقوامی قانون کو پامال کیا جا رہا ہے اور بھوک اور بے گھری ریکارڈ سطح پر ہے۔ اقوام متحدہ کے سربراہ نے غزہ میں اقوام متحدہ کی تنصیبات پر حالیہ حملوں کی مذمت کی اور کہا کہ میں حیران ہوں کہ اقوام متحدہ کے احاطے کو نشانہ بنایا گیا ہے.