Raza Musani 
اسلام آباد : اسلام آباد میں ایرانی سفارتخانے نے اربعین حسینی پر براستہ ایران کربلا جانے کے خواہشمندوں کو پہلے عراقی ویزہ لینے کی ہدایت کی ہے۔ ایرانی سفارتخانے کے مطابق نو جولائی سے بائیس اگست کے درمیان زمینی راستے سے عراق جانے کے خواہشمند ایران کا دوطرفہ ویزہ حاصل کرسکتے ہیں۔ ایران عراق کی مشترکہ سرحد پر بھیڑ سے بچنے کیلئے پاکستانی زائرین پہلے عراق کا ویزہ حاصل کریں۔ اس کے بعد اسلام آباد، پشاور، لاہور، کراچی اور کوئٹہ میں وہ ایرانی مشنوں میں سے کسی ایک پر درخواست دے سکتے ہیں۔سفارتخانے نے کہا کہ زائرین بسوں کے قافلے کے ذریعے بھی عراق جاسکتے ہیں۔ ایرانی ادارہ بسوں کو راہداری فراہم کرنے کیلئے انتظامات کررہا ہے۔
