مقبوضہ کشمیر میں بھارتی فوج کی ریاستی دہشت گردی، ایک اور نوجوان شہید

سری نگر : مقبوضہ کشمیر میں بھارتی فوج کی ریاستی دہشت گردی کا سلسلہ جاری رکھتے ہوئے ضلع پلوامہ میں ایک اور نوجوان کو شہید کردیا۔ فوجیوں نے نوجوان کوضلع کے علاقے براگام میں محاصرے اورتلاشی کی ایک کارروائی کے دوران شہید کیا۔ علاقے میں انٹرنیٹ سروس معطل کردی گئی۔ادھر مودی سرکار کی ہندوتوا پالیسی کیخلاف مختلف علاقوں میں پوسٹرز چسپاں کردئے گئےہیں۔حریت کانفرنس نے غیر قانونی طور پر نظر بند حریت رہنماؤں اور کارکنوں کی حالت زار پر شدید تشویش کا اظہار کیا ہے۔اور اقوام متحدہ اور انسانی حقوق کی تنظیموں پر زور دیاہےکہ وہ نظربندوں کی رہائی کیلئے مودی سرکار پر دباؤ ڈالیں ۔