ہندوستانی ایجنٹ ہردیپ سنگھ کے قتل میں ملوث ہیں، کینیڈا

اوٹاوا: کینیڈا کے وزیراعظم جسٹن ٹروڈو نے ایک بار پھر ہندوستانی ایجنٹوں کو سکھ رہنما ہردیپ سنگھ کے قتل میں ملوث قرار دے دیا۔ جسٹسن ٹروڈو نے کہا ہے کہ کینیڈین سرزمین پر اپنے شہری کے قتل کو ہم سب کو انتہائی سنجیدگی سے لینا چاہیے اور سنگین الزامات یہ ہیں کہ ہندوستانی ایجنٹس ہردیپ سنگھ نجر کے قتل میں ملوث تھے۔ یہ وہ چیز ہے جس کا ہم نے ہلکے سے اعلان نہیں کیا۔ جسٹن ٹروڈو نے کہا کہ غیر ملکی حکومتوں کے غیر قانونی اقدامات سے تمام شہریوں کی حفاظت کرنا ہماری ذمہ داری ہے۔ مسٹر ٹروڈو نے کہا کہ کینیڈا کی حکومت اس بات کو یقینی بنا رہی ہے کہ مناسب تحقیقات کی جائیں۔اسی لیے ہم قانون کی حکمرانی کے لیے کھڑے ہیں اور چاہتے ہیں کہ تحقیقات ہمارے نظام انصاف کے مطابق آزادانہ طور پر مکمل ہوں۔