بنوں میں امن مارچ میں بھگدڑ اور فائرنگ، 5 افراد جاں بحق، درجنوں زخمی

بنوں: خیبر پختونخوا کے علاقے بنوں میں دہشت گردی کے خلاف امن مارچ کے دوران فائرنگ اور بھگدڑ سے 5 شخص جاں بحق اور درجنوں زخمی ہوگئے۔
مظاہرے کے دوران شرکاء نے "دہشت گردی نامنظور” کے نعرے لگائے اور متوقع آپریشن عزم استحکام پر اپنے تحفظات کا اظہار کیا۔ انجمن تاجران، مذہبی اور سماجی تنظیموں کی طرف کی اپیل پر امن مارچ میں ہزاروں افراد شریک تھے۔ بنوں کی چھ تحصیلوں سے ریلیاں نکالی گئیں، جن کے شرکا بنوں شہر کے مرکزی چوک میں جمع ہوئے جبکہ ان احتجاجی مظاہرین نے ہاتھوں میں سفید پرچم اٹھا رکھے تھے۔
رپورٹ کے مطابق تاحال یہ واضح نہیں ہوسکا کہ فائرنگ کس نے کی، سرکاری حکام نے بھی اب تک اس بارے میں کوئی بیان جاری نہیں کیا ہے۔