Raza Musani 
لاہور: ضمنی انتخابات میں مسلم لیگ نون نے میدان مار لیا۔ ملک میں قومی اسمبلی کی 5 اور صوبائی اسمبلیوں کی 16 نشستوں پر ضمنی الیکشن ہوا۔ ن لیگ نے تیرا نشستوں پر کامیابی حاصل کی۔ نون لیگ نے شہباز شریف اور مریم نواز کی چھوڑی گئی سیٹیں بھی جیت لیں۔ سنی اتحاد کونسل کو 2۔ پیپلز پارٹی کو 2۔ ق لیگ اور استحکام پاکستان پارٹی اور بی این پی کو ایک ایک سیٹ ملی۔ باجوڑ میں تحریک انصاف کو اپ سیٹ شکست ہوگئی۔ آزاد امیدوار مبارک زیب نے قومی اور صوبائی اسمبلی کی دونوں نشستوں پر میدان مار لیا۔گجرات میں صوبائی اسمبلی کی نشست پر چوہدری پرویز الہٰی کو بھتیجے موسیٰ الہٰی نے شکست دے دی جبکہ مونس الٰہی کو بھی ہار کا سامنا کرنا پڑا۔ڈیرہ اسماعیل خان میں وزیراعلیٰ خیبر پختونخوا علی امین گنڈاپور کی چھوڑی گئی سیٹ پر ان کے بھائی فیصل امین فاتح قرار پائے جبکہ قمبر شہداد کوٹ میں بلاول بھٹو کی خالی کردہ نشست پھر پیپلز پارٹی کو مل گئی۔
