Raza Musani 
تہران : ایران نے جوہری پلانٹ سے عالمی ایٹمی توانائی ایجنسی کے کیمرے ہٹا دیے۔ مغربی طاقتوں کی جانب سے مذمتی قرارداد پیش کرنے پر ایران نے عالمی جوہری نگراں ادارے کے نصب شدہ متعدد کیمرے بند کر دیے ہیں۔ ایران کی اٹامک انرجی آرگنائزیشن نے اعلان کیا ہے کہ نامعلوم جوہری مقام پر آن لائن افزودگی مانیٹر کے فلو میٹر سسٹم کو بند کر دیا ہے۔ بند کیے گئے کیمرے رضاکارانہ نگرانی کے نظام اور عالمی جوہری توانائی کے ساتھ حفاظتی معاہدے کے فریم ورک سے باہر نصب کیے گئے تھے۔آئی اے ای اے ادارے نے واضح کیا کہ 80 فیصد سے زیادہ کیمرے حفاظتی معاہدے کے تحت آتے ہیں اور اسی وجہ سے وہ آپریشنل رہتے ہیں۔ آئی اے ای اے کو اس اقدام کے بارے میں مطلع کر دیا گیا تھا جس پر بدھ کو عمل درآمد کیا گیا۔
