Raza Musani 
لندن : لندن میں ہزاروں افراد نے فلسطین کے حق میں مسلسل 11 ویں ہفتے احتجاجی ریلی نکالی ۔ فلسطین یکجہتی مہم کے تحت سینٹرل لندن میں ہزاروں افراد جمع ہوئے اور غزہ پر اسرائیلی جارحیت کیخلاف احتجاج کیا۔ منتظمین نے مظاہرین کی تعداد دو لاکھ کے قریب بتائی ہے۔ مظاہرین نے غزہ میں فوری جنگ بندی کا مطالبہ کیا اور فلسطین کی آزادی کے حق میں نعرے لگائے۔ مظاہرین نے فلسطینی پرچم اور جنگ بندی کے مطالبات پر مبنی بینرزا ور پوسٹرز اٹھا رکے تھے اسرائیل کی حمایت بھی ایک چھوٹا سا احتجاج کیا گیا۔ واٹر لو برج کے قریب دونوں مظاہرین آمنے سامنے آگئے تاہم پولیس کی بھاری نفری نے دونوں اجتماعات کو ایک دوسرے سے دور رکھا۔ میٹروپولیٹن پولیس نے کہا کہ انہوں نے نفرت پر مبنی جرائم، امن عامہ اور دہشت گردی کے جرائم میں چار افراد کو گرفتار کیاہے۔
