جنگ بندی نہ ہوئی تو مغربی کنارے میں بدامنی بڑھے گی، حماس

بیروت : حماس کے سینئر رہنما حسام بدران نے خبردار کیا ہے کہ اگر غزہ میں جنگ بندی نہ ہوئی تو مغربی کنارے اور القدس میں بدامنی بڑھے گی۔ حسام بدران نے کہا کہ حماس جنگ بندی کیلئے اپنے مطالبات سے پیچھے نہیں ہٹے گی۔ امریکی اخبار وال سٹریٹ جرنل کو انٹرویو دیتے ہوئے حسام بدران نے اس بات پر زور دیا کہ ان کی تحریک مذاکرات جاری رکھنے کے لیے تیار ہے۔ ہم نے مذاکرات کے خاتمے کا اعلان نہیں کیا۔ ہم اس جنگ کو روکنے کے لیے سب سے زیادہ خواہشمند فریق ہیں۔ انہوں نے حماس کی شرائط بیان کیں۔ جس میں مستقل جنگ بندی، شمالی غزہ میں بے گھروں کو اپنے گھروں کو واپس جانے کی اجازت، تمام کراسنگ سے مناسب امداد کی فراہمی، غزہ کی تعمیر نو کا منصوبہ، غزہ کی پٹی میں جنگ بندی اور فوج کا انخلا شامل ہیں۔