خطے کو انتشار سے بچانا ہے تو مسئلہ کشمیر پر توجہ دینا ہوگی، وزیرخارجہ

اسلام آباد : وزیرخارجہ شاہ محمود قریشی کا کہنا ہے کہ ایشیا کو انتشار سے بچانے کیلئے مسئلہ کشمیر پر توجہ دینے کی ضروت ہے. شاہ محمود قریشی نے اپنے ایک بیان میں کہا کہ کورونا کے باوجود برطانیہ کو پاکستان سے برآمدات 28 فیصد بڑھیں اور ملک میں رواں سال 30 کروڑ ڈالر کی سرمایہ کاری ہوئی ہے۔ پاکستان نے بھارت میں مودی کی حکومت آنے پر مذاکرات کیلئے ہاتھ بڑھایا تھا، تاہم بھارت نے مذاکرات کی پیشکش پر اپنے دروازے بند کرنے کو ترجیح دی ۔انہوں نے مزید کہا کہ اقوام متحدہ مقبوضہ کشمیر میں بھارتی مظالم کا نوٹس لے ۔ بر وقت توجہ نہ دی گئی تو افغانستان میں بڑا انسانی بحران جنم لے سکتا ہے، اسلامی ملکوں کی تنظیم انسانی بحران پر قابو پانے میں افغان بھائیوں کی مدد کرسکتی ہے۔