نیٹو یوکرین جنگ میں شامل ہوا تو ایٹمی جنگ چھڑ جائے گی، روسی صدر

ماسکو: روسی صدر پیوٹن نے خبردار کیا ہے کہ مغربی ممالک کو سمجھنا چاہئے کہ ہمارے پاس بھی ہتھیار ہیں اور وہ اس کے بارے میں اچھی طرح جانتے ہیں۔ ہمارے پاس ایسے ہتھیار بھی ہیں جو مغربی سرزمین پر اہداف کو نشانہ بنا سکتے ہیں۔ پارلیمنٹ سے اپنے سالانہ خطاب میں پیوٹن نے مغربی ممالک کو خبردار کیاکہ اگر نیٹو فوجوں نے یوکرین جنگ میں شامل ہوا تو جوہری جنگ چھڑ سکتی ہے۔ روس کسی کو بھی اپنے اندرونی معاملات میں مداخلت کی اجازت نہیں دے گا۔
صدر پوٹن نے مزید کہا کہ روسیوں کی اکثریت یوکرین میں خصوصی فوجی کارروائیوں کی حمایت کرتی ہے۔ مسلح افواج کی جنگی صلاحیتوں میں کئی گنا اضافہ ہوا ہے۔ روسی فوجیں اعتماد کے ساتھ پیش قدمی کر رہی ہیں اور نئے علاقوں کو آزاد کروا رہی ہیں۔ روسی صدر نے فرانسیسی ہم منصب کی جانب سے نیٹو فوج کی یوکرین میں تعیناتی کے مطالبے کو مسترد کرتے ہوئے خبردار کیا ہے کہ اگر نیٹو ممالک یوکرین میں فوج بھیجتے ہیں تو اس سے خطے میں جوہری جنگ چھڑ سکتی ہے۔