فوری امداد نہ پہنچی تو صورتحال انتہائی سنگین ہو جائے گی، انروا

جنیوا : اقوام متحدہ کی ایجنسی انروا نے خبردار کیا ہےکہ فوری امداد فراہم نہیں کی گئی تو سرد موسم اور بارش کی وجہ سے صورتحال مزید سنگین ہو جائے گی۔ انروا نے اپنی سوشل میڈیا پوسٹ میں بتایا کہ غزہ میں بے گھر افراد سردی سے بچاؤ کے لیے محفوظ پناہ گاہیں ڈھونڈنے میں جدوجہد کر رہے ہیں۔ ان کے پاس عارضی خیمے لگانے کے سوا کوئی چارہ نہیں ہے۔ بیان میں کہا گیاہےکہ انروا کی پناہ گاہوں میں اناسی ہزار سے زائد بے گھر مقیم ہیں اور انسانی حالات دن بہ دن سنگین ہوتے جارہے ہیں۔
ادھر اقوام متحدہ کے سیکرٹری جنرل کے ترجمان سٹیفان ڈوجارک نے خبردار کیا کہ غزہ کی بے گھر فلسطینی خاندانوں کو ناکافی پناہ گاہوں میں سیلاب کا خطرہ درپیش ہے۔ ‎انہوں نے کہا کہ شدید موسم اور جاری اسرائیلی پابندیاں امدادی کارروائیوں اور ضروری امداد کی فراہمی میں رکاوٹ بن رہی ہیں۔