Raza Musani 
کراچی : کراچی کے بھوجانی ہال میں امام خمینیؒ اور مسئلہ فلسطین اور تکریم شہدائے خدمت کے عنوان سے کانفرنس کا اہتمام کیا گیا۔ کانفرنس حسینی ینگ آرگنائزیشن، القائم فاؤنڈیشن اور خانہ فرہنگ کے زیر اہتمام ہوئی جس کے مہمان خصوصی سابق صدر عارف علوی تھے۔ انہوں نے اپنے خطاب میں ایرانی صدر ابراہیم رئیسی کو شاندار الفاظ میں خراج عقیدت پیش کیا اور کہا کہ ابراہیم رئیسی اتحاد بین المسلمین کے علمبردار اور مظلوموں کے حامی تھے۔ مظلوم فلسطین کے حق میں آپ نے ہمیشہ موثر اور آواز بلند کی۔
ڈائریکٹر خانہ فرہنگ جمہوری اسلامی ایران کراچی سعید طالبی نیا کا کہنا تھا کہ اسرائیل کے ساتھ چاہے شیعہ لڑے یا سنی شام لڑے یا لبنان ایران ہر اس شخص اور مالک کا ساتھ دے گا اور دیتا رہے گا۔ کانفرنس میں ڈاکٹر ہما بقائی معروف تجزیہ کار، محقق، مصنف،ماہر تعلیم منور عباس مرکزی صدر سندھ پروفیسرز اینڈ لیکچررز ایسوسی ایشن سمیت علماء کرام اور شرکا نے کثیر تعداد میں شرکت کی۔
