Raza Musani 
اسلام آباد : مجلس وحدت مسلمین سینیٹر راجہ ناصر عباس جعفری نے کہاہے کہ اسرائیل کی بربریت پر مسلم ممالک کی خاموشی اس غاصب صیہونی ریاست کو عالم اسلام کے خلاف مزید کارروائیوں کا موقع فراہم کر رہی ہے۔ اگر مسلم حکمرانوں نے ایسے ہی بے ضمیر بن کر خود پر سکوت طاری کیے رکھا تو بہت جلد اسرائیل کے ہاتھ ان کے گریبانوں تک بھی پہنچ جائیں گے۔ اسرائیل اور امریکہ ایسے وحشی درندے ہیں جن کا ہدف صرف اسلامی ممالک ہیں. انہوں نے کہاکہ کتا جب باؤلا ہو جائے اور کاٹنے کو دوڑے تو پھر وہ دوست دشمن کی تمیز کھو بیٹھتا ہے اور جس پر چاہتا ہے حملہ آور ہو جاتا ہے۔ ایسے سرکش دشمن سے نجات کا واحد راستہ اس کا مکمل خاتمہ ہے.
