نیتن یاہو کے وارنٹ گرفتاری کی تعمیل نہ کرنے پر ہنگری کی مذمت

دی ہیگ: بین الاقوامی فوجداری عدالت (آئی سی سی) نے صیہونی وزیر اعظم بنیامین نیتن یاہو کے وارنٹ گرفتاری کی تعمیل کرنے سے انکار کرنے پر ہنگری کی مذمت کی ہے۔ عدالت کے ترجمان فادی ال عبداللہ نے نیوز بریفنگ میں کہا کہ آئی سی سی کے فریقین کو یکطرفہ طور پر عدالت کے قانونی فیصلوں کی درستگی کے تعین کا اختیار نہیں۔ معاہدے میں شریک ریاستوں کو عدالت کے فیصلوں پر عمل درآمد کرنا ہوگا۔ انہوں نے کہاکہ عدالتی کاموں سے متعلق کسی بھی تنازعہ کو عدالت کے فیصلے سے طے کیا جائے گا۔
واضح رہے کہ جنگی مجرم صیہونی وزیر اعظم نیتن یاہو کا ہنگری میں پرتپاک استقبال کیا گیا ہے۔ بین الاقوامی فوجداری عدالت نے نیتن یاہو کے وارنٹ جاری کر رکھے ہیں لیکن ہنگری کے وزیراعظم وکٹر اوربان نے وارنٹ پر عملدرآمد نہ کرنے کا اعلان کیا تھا۔