Raza Musani 
مقبوضہ بیت المقدس: یہودیوں کے تہوار کے موقع پر سینکڑوں صیہونی آباد کاروں نے مسجد اقصیٰ کے صحنوں پر دھاوا بول دیا۔ صیہونی آبادکاروں کی بڑی تعداد پیر کی صبح مسلسل دوسرے دن مسجد اقصیٰ میں گھس گئی۔ آبادکار اسرائیلی پولیس کی سخت حفاظت میں ٹولیوں کی شکل میں مسجد اقصیٰ میں داخل ہوئے اور اپنی عبادات انجام دیں۔ اس موقع پر فلسطینیوں کو مسجد میں داخلے کی اجازت نہیں دی گئی اور انہیں روک دیا گیا۔
اردن کے زیر انتظام اسلامی وقف بورڈ نے کہا کہ 317 آباد کاروں نے اتوار کو جبکہ 617 نے پیر کو پولیس کی حفاظت میں مسجد پر دھاوا بولا۔ اسرائیلی پولیس نے یروشلم کے قدیم شہر میں حفاظتی رکاوٹیں نصب کیں اور فلسطینیوں کو مسجد تک پہنچنے سے روک دیا۔ سعودی عرب، مصر اور قطر سمیت کئی ممالک نے صیہونی آبادکاروں کے مسجد اقصیٰ پر حملے کی مذمت کی ہے۔
