غزہ میں یومیہ سینکڑوں افراد بھوک سے مر سکتے ہیں، عالمی ادارہ صحت

جنیوا : عالمی ادارہ صحت نے غزہ کو مکمل تباہ حال شہر قرار دے دیا ہے۔ عالمی ادارہ صحت کے مطابق غزہ میں کوئی بھی اسپتال مکمل سہولیات کے ساتھ موجود نہیں ہے۔ شہر میں ہزاروں مریض بے بسی سے موت کے منتظر ہیں جنہیں علاج کی سہولیات فراہم کرنے کی راہ میں سب سے بڑی رکاوٹ اسرائیلی پابندیاں ہیں۔ اسرائیلی فوج غزہ میں ہر سہولت تباہ کرنا چاہتی ہے۔ ادارے کے سربراہ ٹیڈروز نے اقوام عالم کو خبردار کیا ہے کہ اپریل کے پہلے ہفتے سے غزہ میں یومیہ سینکڑوں انسان بھوک سے مرنا شروع ہوسکتے ہیں۔غزہ میں اسرائیلی فوج نے خوراک اور ادویات کی سپلائی بھی ناممکن بنادی ہے۔جو کچھ غزہ میں ہورہا ہے اس کو عالمی قوانین کا مذاق کہنا بھی ظلم ہی ہوگا۔