امداد میں رکاوٹیں ڈالنے سے غزہ میں انسانی بحران پھر سر اٹھانے لگا

غزہ : صیہونی فوج کے امداد میں رکاوٹیں ڈالنے سے غزہ میں انسانی بحران پھر سر اٹھانے لگا ہے۔ غزہ کے میڈیا آفس نے بتایا کہ اسرائیل جنگ بندی معاہدے کی خلاف ورزی کرتے ہوئے پناہ گاہوں کے سامان اور ایندھن کے داخلے میں تاخیر کررہا ہے۔ معاہدے میں ساٹھ ہزار پہلے سے تیار پناہ گاہیں۔ دو لاکھ خیمے۔ یومیہ چھ سو امدادی اور 50 ایندھن کے ٹرکوں کے داخلے کی شرط رکھی گئی تھی۔ بیان میں کہاگیاہے کہ اسرائیل انسانی بحران اور شہریوں کی مشکلات بڑھانے کیلئے جان بوجھ کر تاخیر کررہاہے۔ بیان میں جنگ بندی کے ثالثوں قطر، مصر اور امریکہ سے مطالبہ کیا کہ وہ اسرائیل پر معاہدے کی فوری تعمیل کے لیے دباؤ ڈالیں۔