غزہ میں انسانی امداد فوری بحال کی جائے، انروا

جنیوا : اقوام متحدہ کی امدادی ایجنسی انروا کے کمشنر فلپ لازارینی نے کہاہے کہ غزہ نا امیدی کا مرکز بن چکا ہے۔ فلپ لازارینی نے ایک بیان میں کہا ہے کہ غزہ میں جان بوجھ کر انسانوں کے ہاتھوں بھوک پھیلائی اور صورتحال ابتر بنائی جا رہی ہے۔ انہوں نے خبردار کیا کہ تقریباً 24 لاکھ آبادی پر مشتمل غزہ کو تباہ کن انسانی بحران کا سامنا ہے، غزہ میں قحط محض ایک ممکنہ خطرہ نہیں رہا بلکہ تیزی سے پورے علاقے میں پھیل رہا ہے۔ لازارینی نے کہا کہ غزہ کے عوام کو اجتماعی سزا دی جا رہی ہے۔ زخمیوں، مریضوں اور بزرگوں کو طبی سہولیات اور علاج سے محروم رکھا جا رہا ہے۔ انھوں نے انسانی امداد کو بطور سودے بازی اور جنگی ہتھیار کے طور پر استعمال کرنے کی مذمت کی اور مطالبہ کیاکہ انسانی امداد فوری بحال کی جائے، قیدیوں کو رہا کیا جائے اور جنگ بندی کا دوبارہ اعلان کیا جائے۔