ایندھن روکا جاتا رہا تو اسپتال بند ہو جائیں گے، غزہ وزارت صحت

غزہ : غزہ کی وزارتِ صحت نے خبردار کیا ہے کہ اگر اسرائیل کی جانب سے ایندھن روکنے کی پالیسی جاری رہی تو اسپتال مکمل طور پر بند ہونے کے قریب پہنچ جائیں گے۔فلسطینی وزارتِ صحت کا کہنا ہے کہ اسرائیل جان بوجھ کر ایندھن کے بحران کو طول دے رہا ہے، جس کے باعث اسپتالوں کا نظام شدید متاثر ہو رہا ہے۔ ایندھن کی مسلسل رکاوٹ نے سرجیکل یونٹس، وینٹی لیٹرز اور لائف سپورٹ مشینوں کو براہِ راست خطرے میں ڈال دیا ہے۔
حکام نے خبردار کیا ہے کہ اسپتالوں میں بجلی کی کمی کے باعث آپریشن معطل ہیں اور انتہائی نگہداشت کے مریضوں کی حالت تشویشناک ہو رہی ہے۔ جس نے مریضوں خصوصاً بچوں کی زندگیاں بھی خطرے میں ڈال رہی ہے۔
ادھر اقوام متحدہ کے ترجمان اسٹیفن دوجارک نے بھی متنبہ کیا ہے کہ اسرائیلی جارحیت کے باعث طبی انفراسٹرکچر اور بنیادی امدادی سامان کی شدید کمی طبی سہولیات فراہم کرنے کی کوششوں کو شدید متاثر کر رہی ہے۔