Raza Musani 
اسلام آباد: وفاقی وزارت داخلہ نے اسلام آباد ہائیکورٹ میں تسلیم کیا ہےکہ سوشل میڈیا پلیٹ فارم ایکس کو سیکیورٹی ایجنسیوں کی رپورٹ پر بند کیا گیا۔انٹرنیٹ اور ایکس پر اپلوڈ کیے گئے مواد سے ملکی سلامتی کو خطرہ ہے۔ وزارت داخلہ کی رپورٹ پر چیف جسٹس اسلام آباد ہائی کورٹ نے اظہار برہمی کرتے ہوئے ریمارکس دیے کہ جوائنٹ سیکریٹری صاحب یہاں تقریر نہ کریں وجوہات اور ثبوت بتائیں۔ صرف قیاس پر مبنی رپورٹ ہے۔کیا کروں کیا لکھوں سرکار تھکی ہوئی ہے۔ کام نہیں کر سکتی۔ جو بھی خطرہ ہے اس سے متعلق وجوہات اور تحریری ثبوت پیش کریں۔آئندہ سماعت پر سیکریٹری داخلہ پیش ہوں اور ایکس بندش کی وجوہات سے آگاہ کریں، مفروضوں پر مبنی رپورٹ پیش نہ کی جائے۔ چیف جسٹس عامر فاروق نے ریمارکس دیے کہ کوئی ثبوت بھی ہوں گے؟آئی بی کی رپورٹ پر آپ نے ایکس بند کردیا۔اس میں کوئی وجوہات نہیں لکھی ہوئیں۔صرف قیاس پر مبنی رپورٹ ہے۔
