Raza Musani 
بیروت : حزب اللہ نے تل ابیب میں فائرنگ کے حالیہ حملے کو سراہتے ہوئے کہا ہے کہ فلسطینیوں کے بہادرانہ آپریشن نے ایک بار پھر قابض حکومت کی کمزوری کو بے نقاب کردیا۔حزب اللہ نے ایک بیان میں کہا ہے کہ فلسطینی مزاحمت نے صیہونی قبضے کا مقابلہ کرنے، اس کے دائمی جرائم کا جواب دینے اور اسے ذلت آمیز ضربوں سے نمٹنے کی اپنی صلاحیت کا ثبوت دیا ہے۔شہید جنگجو رعد فتحی حازم کی تل ابیب میں کی گئی بہادرانہ کارروائی نے اس کے فوجی اور سیکیورٹی آلات کی کمزوری، نزاکت اور الجھن کو ظاہر کیا، اور مختلف آلات اور میدان جنگ میں ہزاروں فوجیوں کی موجودگی کے باوجود فلسطینی جنگجو کے سامنے اس کی ناکامی کا منہ بولتا ثبوت ہے۔ حزب اللہ نے فلسطینی عوام اور اس کے مزاحمتی دھڑوں کی بہادری کی تعریف کی اور ان تمام جنگجوؤں کو سلام پیش کیا جنہوں نے اس مجرمانہ وجود کو دنیا کے سامنے نقصان اور ذلت کی حالت میں ڈال دیا۔ اسطرح کی کارروائیوں کے پے در پے ہونے سے جدوجہد جاری رکھنے میں فلسطینی عوام کی فیصلہ کن صلاحیت ظاہر ہوتی ہے۔اس نے یہ بھی واضح کیا کہ فلسطینیوں کا عزم قبضے کی مرضی سے زیادہ مضبوط ہے۔
