Raza Musani 
بیروت : لبنان کی مزاحمتی تحریک حزب اللہ نے مقبوضہ فلسطینی علاقوں پر تین میزائل حملے کئے ہیں۔ حزب اللہ کے ترجمان کے مطابق حملوں میں اسرائیلی فوج کی تنصیبات اور فوجیوں کو نشانہ بنایا گیا۔ جس میں کئی فوجی گاڑیاں تباہ ہوگئیں۔ اسرائیلی فوج نے بھی حملے کی تصدیق کی جس میں کچھ فوجی زخمی ہوئے ہیں۔
اسرائیل اور حماس کی جنگ کے آغاز سے شمالی اسرائیل پر حزب اللہ کے حملوں نے اسرائیل کو شدید نقصان پہنچایا ہے۔ اسرائیلی میڈیا کے مطابق حزب اللہ سے لڑائی میں 17 اسرائیلی فوجی مارے گئے۔ جن میں سے زیادہ ترجنوبی لبنان سے فائر کیے گئے ٹینک شکن میزائلوں اور ڈرونز کا نشانہ بنے۔ اُدھر اسرائیلی جنگی کابینہ نے حزب اللہ کے خلاف جنگ پر غور شروع کردیا ہے۔ اندرونی ذرائع کے مطابق اسرائیلی فوج اور امریکی خفیہ ایجنسیوں نے اسرائیل کو فوری طور پر نیا جنگی محاذ کھولنے سے خبردار کیا ہے۔اسرائیلی وزیردفاع نے بھی لبنان کا مسئلہ بات چیت سے حل کرنے پر زور دیا ہے۔
