Raza Musani 
تل ابیت : صیہونی بحری فوج کے سابق سربراہ نے کہا ہے کہ حزب اللہ کے پاس مقبوضہ فلسطین کے مختلف علاقوں میں صیہونی تنصیبات پر حملے کی صلاحیت موجود ہے۔ اگر حزب اللہ ارادہ کرے تو مقبوضہ فلسطین کے دور افتادہ علاقوں کو بھی نشانہ بنا سکتی ہے۔انہوں نے کہاکہ حزب اللہ نے اس وقت شمالی علاقوں میں جنگ کا کنٹرول سنھال رکھا ہے اور اس کے مقابلے میں صیہونی فوج میں ہر طرف مایوسی اور ناامیدی کی فضا قائم ہے جس کی وجہ ہمیشہ حملے کے بجائے بیک فٹ پر چلی گئی ہے۔ حزب اللہ کے ڈرون طیاروں کی جانب سے درپیش خطرات کو اسرائیل میں تشویش کی نگاہ سے دیکھا جارہا ہے۔ صیہونی ذرائع ابلاغ نے نتن یاہو کابینہ کے وزیر آمیخای الیاہو کے حوالے سے کہا ہے کہ صیہونی وزیر کی دھمکی کے بعد اسرائیل کو سخت دھچکہ لگا ہے اور صیہونی حکومت کی جانب سے جنگ کو طول دینے کی کوششیں ناکام ہورہی ہیں۔ ایک ماہ گزرنے کے باوجود غزہ کے اطراف میں موجود بعض فوجیوں کے پاس بلٹ پروف جیکٹ تک موجود نہیں ہے۔
