Raza Musani 
غزہ :غزہ کی پٹی میں نسل کشی اور شہریوں کے قتل عام کا سلسلہ جاری ہے۔ جبکہ فلسطینی مزاحمتی تنظیموں نے بھی غاصب اسرائیلی ٹھکانوں پر اپنے حملوں میں اضافہ کردیا ہے۔ جہاد اسلامی کی فوجی شاخ القدس بریگیڈ نے ایک بیان میں کہا ہے کہ اس کے مجاہدین نے صوفا کے فوجی اڈے کو متعدد مارٹر گولوں سے نشانہ بنایا۔ البریج کیمپ کے شمال اور مشرق میں صیہونی فوجیوں اور ان کے فوجی ساز و سامان کو بھی "راکٹ 107” اور مارٹر گولوں سے نشانہ بنایا۔ القدس بریگیڈ کے بیان میں کہا گیا ہے کہ خان یونس کے جنوب میں واقع مسجد الشہدا کے علاقے میں بھی ایک صیہونی ہیڈکوارٹر اور کمانڈ سینٹر کو نشانہ بنایا۔ مجاہدین بریگیڈ نے بھی کہا ہے کہ تحریک فتح کی عسکری شاخ شہدائے الاقصیٰ بریگیڈ کے ساتھ مشترکہ آپریشن میں فلسطینی مجاہدین نے "ناحل عوز” بستی پر راکٹ برسائے ہیں۔
