Raza Musani 
غزہ: حماس نے غزہ میں 5 دن جنگ بندی کے بدلے 50 یرغمالی خواتین و بچوں کی رہائی پر آمادگی ظاہر کردی ہے۔ القسام بریگیڈز کے ترجمان ابو عبیدہ نے ایک آڈیو پیغام میں قیدیوں کے تبادلے کی بات چیت کی تصدیق کی۔ انہوں نے کہا کہ قطری ثالثوں کو بتایا گیا ہے کہ پانچ دن کی مکمل جنگ بندی۔ غزہ میں ایندھن سمیت ہر قسم کی انسانی امداد کی اجازت اور اسرائیلی جیل میں قید 200 بچوں اور 75 خواتین کی رہائی کے بدلے 50 یرغمالیوں کو رہا کیا جاسکتا ہے۔
ابو عبیدہ نے کہا کہ اسرائیلی قابضین نے اپنی 100 خواتین اور بچوں کی رہائی کی درخواست کی ہے۔ انہوں نے کہاکہ غزہ پر مسلسل فضائی اور زمینی جارحیت اسرائیلی اسیروں کی زندگیوں کو خطرے میں ڈال رہی ہے۔
ادھر حماس کے ترجمان اسامہ حمدان نے کہاہے کہ ثالث کئی بار قیدیوں کی رہائی کے لیے معاہدے تک پہنچ چکے ہیں لیکن اسرائیل آخری لمحات میں بار بار شرائط کو تبدیل کر رہاہے۔ جس سے ظاہر ہوتا ہے کہ وہ پیشرفت کو تیار نہیں ہے۔
