عالمی عدالت میں جنوبی افریقہ کے دستاویزی شواہد کی قدر کرتے ہیں، حماس

بیروت : حماس کے پولیٹیکل بیورو کے رکن عزت الرشق نے کہا ہے کہ عدالت میں جنوبی افریقہ کے دلائل اور دستاویزی شواہد کی بہت قدر کرتے ہیں۔ عالمی عدالت انصاف کی کارروائی پر غزہ سے اپنے بیان میں حماس کے رہنما عزت الرشق نے کہا کہ جنوبی افریقہ کے دلائل دنیا کے سامنے غزہ میں صیہونی قتل عام کو ثابت کرتے ہیں۔ انہوں نے کہا کہ اسرائیل غزہ میں ہمارے لوگوں کی نسل کشی کے جرم کا مرتکب کیا۔ جنوبی افریقہ نے فلسطینیوں کے حقوق کی حمایت اور اسرائیلی جرائم کو مسترد کیا۔ عزت الرشق نے کہا کہ دنیا نے آج اسرائیلی جارحیت کو روکنے کےلیے درست اور قابل اعتماد وجہ کا مشاہدہ کیا۔ انہوں نے کہا کہ غزہ میں اسرائیل فلسطینی عوام کے خلاف نسل کشی کے جرائم کا ارتکاب کر رہا ہے۔