Raza Musani 
دوحہ : حماس نے جنگ بندی اور یرغمالیوں کی رہائی کے لیے قطر اور مصر کی تجاویز کا جواب دے دیا۔ قطری وزیراعظم شیخ محمد بن عبدالرحمان الثانی نے حماس کے جواب کو امید افزا قرار دیا ہے۔ امریکی وزیرخارجہ انٹونی بلنکن کے ساتھ نیوز کانفرنس میں قطری وزیراعظم نے کہا کہ تجاویز پر اسرائیلی حکام سے جلد تبادلہ خیال ہوگا۔ ابھی بہت کام باقی ہے لیکن یقین ہے کہ معاہدہ ممکن ہے۔ بلنکن نے کہا کہ امریکا غزہ لڑائی میں ایسے وقفے کے لیے پُرعزم ہے جو پائیدار امن لائے۔ یرغمالیوں کی رہائی کے لیے وقفے میں توسیع پر ہر ممکن کام کریں گے۔ ادھر امریکی صدر جوبائیڈن نے بھی غزہ میں قید اسرائیلیوں کی رہائی کیلئے امید کا اظہار کیا۔ واشنگٹن میں میڈیا سے گفتگو میں بائیڈن نے کہا کہ حماس کی جانب سے کچھ پیشرفت ہوئی ہے۔ لیکن یہ ردعمل بہت کم ہے۔ بات چیت جاری ہے معاہدے سے متعلق ابھی یقین سے کچھ نہیں کہہ سکتے۔وزیرخارجہ انٹونی بلنکن مصر اور قطر سے معاہدے کیلئے بات چیت کررہے ہیں.
