Raza Musani 
غزہ : حماس نے جنگ کے دوران مزید دس سے پندرہ ہزار مزاحمت کار بھرتی کرکے اپنی آپریشنل صلاحیتوں کو بحال کرلیا۔ امریکی انٹیلی جنس بریفنگ سے واقف کانگریس کے دو ذرائع نے رائٹرز نیوز ایجنسی کو بتایا کہ اتنی بڑی تعداد میں مزاحمت کاروں کی بھرتی حماس کی بھاری نقصانات برداشت کرنے کے باوجود آپریشنل صلاحیتوں کو برقرار رکھنے کی لچک کو ظاہر کرتی ہے۔
رپورٹ کے مطابق امریکی انٹیلی جنس ایجنسیاں حماس کی بھرتی کی کوششوں پر نظر رکھے ہوئے ہیں۔ جو یہ بتاتی ہیں کہ حماس اپنی صفوں کو بھرنے کی صلاحیت رکھتی ہے اور اسرائیل کے لیے ایک زبردست چیلنج جاری رکھے ہوئے ہے۔ رپورٹ کو یہ معلومات بائیڈن انتظامیہ کے آخری ہفتوں کے دوران فراہم کردہ انٹیلی جنس اپ ڈیٹس کی ایک سیریز میں شیئر کی گئیں۔ رائٹرز کے مطابق اگرچہ حماس نے کامیابی سے اپنی صفوں میں اضافہ کیا ہے لیکن بیشتر نئے بھرتی ہونے والوں کو مناسب تربیت سے محروم قرار دیا گیا ہے، جن میں سے زیادہ تر کو بنیادی حفاظتی کرداروں کے لیے تفویض کیا گیا ہے۔
